ﻧﻜﺎﺕ ﻟﻨﺞ ﻋﻦ ﺍﻟﺮﺑﺎﻃﺎﺏ
ﺭﺑﺎﻃﺎﺑﻰ ﺻﻠﻰ ﺍﻟﺠﻤﻌﺔ ﻓﻰ
ﻣﺴﺠﺪ ﺃﻧﺼﺎﺭ ﺍﻟﺴﻨﺔ ﺍﻹﻣﺎﻡ ﻗﺎﻝ
ﺍﻟﺴﻼﻡ ﻋﻠﻴﻜﻢ ﻣﺪ ﻳﺪﻭ ﻟﻠﺰﻭﻝ
ﺍﻟﻔﻰ ﻳﻤﻴﻨﻮ ﻗﺎﻝ ﻟﻴﻬﻮ: ﺗﻘﺒﻞ ﺍﻟﻠﻪ
ﺃﻧﺼﺎﺭﺍﻟﺴﻨﺔ ﺭﻓﺾ ﻳﻤﺪ ﻳﺪﻭ ﻭ
ﻗﺎﻝ ﻟﻴﻬﻮ : ﺩﻯ ﻣﺎﻭﺭﺩ ﻓﻴﻬﺎ ﻧﺺ،
ﺍﻟﺮﺑﺎﻃﺎﺑﻰ ﻗﺎﻝ ﻟﻴﻬﻮ : ﻧﺎﻥ
ﺍﻹﺣﺮﺍﺝ ﻭﺭﺩ ﻓﻴﻬﻮ ﻧﺺ؟؟
------------------------------------------------------
--------------
ﻭﺍﺣﺪ ﺭﺑﺎﻃﺎﺑﻰ ﻣﻌﺰﻭﻡ ﻋﺸﺎﺀ
ﻣﻊ ﻭﺍﺣﺪ ﺻﺎﺣﺒﻮ ﻣﺸﻰ ﻟﻘﻰ
ﺍﻟﻜﻬﺮﺑﺎﺀ ﻗﺎﻃﻌﺔ ﻗﻌﺪﻭ ﻳﺘﻮﻧﺴﻮ
ﻣﺴﺎﺍﺍﺍﺍﻓﺔ ﺍﻟﺮﺑﺎﻃﺎﺑﻰ ﺟﺎﻉ
ﺟﻮﻋﻪ ﺷﺪﻳﺪﺓ ﻗﺎﻝ ﻟﻰ ﺻﺎﺣﺒﻮ
ﻳﺎﺧﻰ ﺍﻟﺰﻣﻦ ﻓﺎﺕ ﻭﺍﻧﺎ ﺟﻴﻌﺎﻥ
ﻳﺎﺧﻰ ﻃﻠﻊ ﻟﻴﻨﺎ ﺍﻟﻌﺸﺎﺀ ﺩﺍ،
ﺻﺎﺣﺒﻮ ﻗﺎﻝ ﻟﻴﻪ ﻳﺎﺧﻰ ﺍﻟﻌﺸﺎﺀ ﻣﺎ
ﺑﻄﻠﻊ ﺍﻻ ﺍﻟﻜﻬﺮﺑﺎﺀ ﺗﺠﻰ....
ﺍﻟﺮﺑﺎﻃﺎﺑﻰ ﻗﺎﻝ ﻟﻰ ﺍﺻﻠﻮ ﺩﺍ
ﻋﺸﺎﺀ ﻭﻻ ﺷﺮﻳﻂ ﻓﻴﺪﻳﻮ!!
------------------------------------------------------
--------------
ﺷﺎﻓﻌﺔ ﺭﺑﺎﻃﺎﺑﻴﺔ ﻗﺎﻋﺪﺓ ﺗﺎﻛﻞ ﻣﻊ
ﺃﺑﻮﻫﺎ ﻓﻲ ﺍﻟﺼﻴﻨﻴﺔ ، ﻗﺎﻟﺖ ﻟﻴﻬﻮ:
ﻳﺎﺑﺎ ﺃﺩﻳﻨﻲ ﻋﻴﺸﺔ، ﺃﺑﻮﻫﺎ ﺣﺐ
ﻳﺸﺎﻏﻠﻬﺎ، ﻗﺎﻝ ﻟﻴﻬﺎ ﺑﺘﺪﻭﺭﻱ ﺑﻴﻬﺎ
ﺷﻨﻮ؟؟ ﻗﺎﻟﺖ ﻟﻴﻬﻮ ﺑﺪﻭﺭ
ﺃﺭﺿﻌﻬﺎ!!!
------------------------------------------------------
--------------
ﺭﺑﺎﻃﺎﺏ ﻋﻨﺪﻫﻢ ﺑﻨﻄﻮﻥ ﻋﻄﻼﻥ
ﻭﻗﺎﻋﺪﻳﻦ ﻃﻮﻝ ﺍﻟﻨﻬﺎﺭ ﺑﻴﻌﺎﻓﺮﻭﺍ
ﻋﺸﺎﻥ ﻳﻄﻠﻌﻮ ﺍﻟﺒﻨﻄﻮﻥ ﻣﻦ
ﺍﻟﺒﺤﺮﻋﺸﺎﻥ ﻳﺼﻠﺤﻮ.. ﺟﺎ ﻭﺍﺣﺪ
ﺟﻌﻠﻲ ﻗﺎﻝ ﻟﻴﻬﻢ: ﺍﻧﺘﻮ ﺍﻟﺒﻨﻄﻮﻥ
ﺩﺍ ﻣﻄﻠﻌﻨﻮﺍ ﻣﻦ ﺍﻟﺒﺤﺮ ﻟﻴﻪ؟
ﺭﺩ ﻋﻠﻴﻪ ﻭﺍﺣﺪ ﻣﻨﻬﻢ: ﻭﺍﻟﻠﻪ ﺍﻟﺒﺤﺮ
ﻣﺎ ﻧﻔﻊ ﻣﻌﺎﻫﻮ ﻗﻠﻨﺎ ﻧﺠﺮﺏ
ﺍﻟﻈﻠﻂ..
------------------------------------------------------
--------------
ﺭﺑﺎﻃﺎﺑﻲ ﻋﺴﻜﺮﻱ ﻣﺮﻭﺭ ..
ﺑﻠﻐﻮﻩ ﺃﻧﻮ ﻓﻲ ﺑﺎﺹ ﺇﻧﻘﻠﺐ ..
ﻣﺸﻰ ﻣﻜﺎﻥ ﺍﻟﺤﺎﺩﺙ ﻟﻘﻰ ﺍﻟﻨﺎﺱ
ﻛﻠﻬﺎ ﻣﻴﺘﻴﻦ ﻣﺎﻋﺪﺍ ﻭﺍﺣﺪ .. ﻗﺎﻝ
ﻟﻴﻬﻮ : ﺃﻫﺎ ﻳﺎﻟﺼـــــﻨﺪﻭﻕ
ﺍﻷﺳـــــﻮﺩ .. ﺍﻟﺤﺎﺩﺙ ﺣﺼﻞ
ﻛﻴﻒ ..
------------------------------------------------------
--------------
ﺭﺑﺎﻃﺎﺑﻲ ﺑﺘﺎﻉ ﻓﺮﻥ ﺟﺎﺀﻫﻮ
ﻭﺍﺣﺪ ﻗﺎﻝ ﻟﻴﻬﻮ ﺍﻟﻌﻴﺶ ﻓﻲ ﺍﻟﻨﺎﺭ
ﺭﺩ ﻟﻴﻬﻮﻻ ﻳﺎﺍﺧﻮﻱ ﻓﻲ ﺍﻟﺠﻨﺔ ..
------------------------------------------------------
--------------
ﺭﺑﺎﻃﺎﺑﻲ ﺭﺍﻛﺐ ﺍﻟﻘﻄﺮ ﺑﺘﺎﻉ
ﺍﻟﺸﻤﺎﻟﻴﺔ ...ﻭﻋﺸﺎﻥ ﻣﺎﻓﻲ ﻧﻮﺭ
ﻋﻔﺺ ﺭﺟﻞ ﻭﺍﺣﺪ ﺟﻨﻮﺑﻲ ...
ﺍﻟﺠﻨﻮﺑﻲ ﺑﻲ ﺯﻫﺞ ﻗﺎﻝ ﻟﻴﻮ : ﺍﻧﺖ
ﻋﻤﻴﺎﻥ ﻭﻻ ﺷﻨﻮ ﺗﻄﻠﻊ ﻓﻲ ﻛﺮﺍﻉ
ﺑﺘﺎﻉ ﺍﻟﻨﺎﺱ ﺍﻧﺖ ﻣﺎ ﻋﺎﺭﻑ ﺯﺍﺗﻮ
ﻣﺎﺷﻲ ﻭﻳﻦ...ﺍﻟﺮﺑﺎﻃﺎﺑﻲ ﺭﺩ
ﻋﻠﻴﻪ : ﺍﻧﺎ ﻣﺎﺷﻲ ﻋﻨﺪ ﺍﻫﻠﻲ ﺍﻧﺖ
ﻣﺎﺷﻰ ﻭﻳﻦ ..
------------------------------------------------------
--------------
ﺭﺑﺎﻃﺎﺑﻲ ﻻﺑﺲ ﺟﺰﻣﺔ ﻗﺪﻳﻤﺔ
ﺃﺻﺎﺑﻌﻴﻨﻮ ﺍﻟﺨﻤﺴﺔ ﻣﺎﺭﻗﻴﻦ ﺑﺮﻩ.
ﻣﺸﻰ ﻟﺒﺘﺎﻉ ﻭﺭﻧﻴﺶ ﻣﺪ ﻟﻴﻬﻮ
ﻛﺮﺍﻋﻮ.
ﺑﺘﺎﻉ ﺍﻟﻮﺭﻧﻴﺶ ﻗﺎﻝ ﻟﻴﻬﻮ: ﺃﻭﺭﻧﺶ
ﻟﻴﻚ؟ ﻗﺎﻝ ﻟﻴﻪ : ﻻ ﻻ.. ﻃﻘﻄﻘﻢ
ﻟﻲ!!
------------------------------------------------------
--------------
ﺭﺑﺎﻃﺎﺑﻲ ﺑﺒﻴﻊ ﻟﺒﻦ ﺍﻟﻤﻬﻢ ﻋﻨﺪﻭ
ﺯﺑﻮﻥ ﻣﺤﺎﻣﻲ ﻣﺮﺗﻮ ﻏﺎﻟﻄﺖ
ﺍﻟﺮﺑﺎﻃﺎﺑﻲ ﻓﻲ ﺣﻖ ﻳﻮﻣﻴﻦ
ﺑﺤﺠﺔ ﺍﻧﻮ ﻛﺎﻥ ﻓﻲ ﻣﻄﺮﺓ
ﻭﺍﻟﺮﺑﺎﻃﺎﺑﻲ ﻣﺼﺮ ﺍﻧﻮ ﺍﺩﺍﻫﻢ
ﺍﻟﻠﺒﻦ ﻓﻲ ﺍﻟﻴﻮﻡ ﺍﻟﺒﻌﺪﻭ ﺟﺎ ﺯﻭﺟﻬﺎ
ﺍﻟﻤﺤﺎﻣﻲ ﻭﻗﺎﻝ ﻟﻴﻬﻮ ﺍﻧﺤﻨﺎ
ﻣﺎﻣﻤﻜﻦ ﺗﻐﺎﻟﻄﻨﺎ ﺍﺑﺪﺍ ﺍﻟﺮﺑﺎﻃﺎﺑﻲ
ﻗﺎﻝ ﻟﻴﻪ ﺍﻏﺎﻟﻄﻚ ﻛﻴﻒ ﻭﺍﻧﺖ
ﺍﻟﻐﻼﻁ ﻓﺎﺗﺢ ﻟﻴﻪ ﻣﻜﺘﺐ
------------------------------------------------------
--------------
ﺭﺑﺎﻃﺎﺑﻲ ﻓﻲ ﻋﺰﻭﻣﺔ ﻋﺮﺱ
ﻻﺣﻆ ﺍﻧﻮ ﻓﻲ ﺯﻭﻝ ﻧﺎﺋﻢ ﻧﻮﻣﺔ
ﻋﻤﻴﻘﺔ ﺟﺪﺍ ... ﺑﺲ ﻓﻲ ﺍﻟﻠﺤﻈﺔ
ﺍﻟﺨﺘﻮ ﺻﻴﻨﻴﺔ ﺍﻻﻛﻞ ﻋﻤﻚ ﺗﺘﺮﺏ
ﺻﺤﻲ ﻭﺍﺑﺘﺪﺍﺀ ﻳﻠﻘﻠﻖ ...
ﺍﻟﺮﺑﺎﻃﺎﺑﻲ ﻗﺎﻝ ﻟﻴﻬﻢ : ﺍﻧﺘﻮ
ﺯﻭﻟﻜﻢ ﺩﺍ ﻛﺎﻧﺘﻮ ﺧﺎﺗﻨﻮ ﻓﻲ
ﺍﻟﺸﺎﺣﻦ ...
------------------------------------------------------
--------------
ﺭﺑﺎﻃﺎﺑﻲ ﻣﺸﻰ ﻟﻮﺍﺣﺪ ﺑﻌﻤﻞ
ﻓﻲ ﻟﻘﻴﻤﺎﺕ ﻓﻲ ﺍﻟﻤﺤﻄﺔ ﺩﺍﻙ
ﻛﻠﻤﺎ ﻳﺨﺖ ﺍﻟﺼﺎﺝ ﻓﻲ ﺍﻟﻜﺎﻧﻮﻥ
ﺍﻟﺼﺎﺝ ﻳﻤﻴﻞ ﻟﻲ ﺟﻤﺒﻪ ﺍﻟﺮﺑﺎﻃﺎﺑﻲ
ﻗﺎﻝ ﻟﻴﻪ ﺑﺘﻈﺒﺘﻮﺍ ﻓﻲ ﺍﻟﺪﺵ ﻋﺎﻳﺰ
ﺗﺠﻴﺐ ﻳﺎﺗﻮﺍ ﻗﻨﺎﺓ ﻓﻀﺎﺋﻴﺔ؟
ﺻﺎﺣﺒﻨﺎ ﻟﻤﻦ ﺭﻣﻰ ﺍﻟﻌﺠﻴﻨﺔ ﻓﻲ
ﺍﻟﺼﺎﺝ ﻭﺍﻟﺰﻳﺖ ﻛﺎﻥ ﺳﺨﻦ
ﺍﻟﻌﺠﻴﻨﺔ ﺑﻌﺪ ﻣﺎ ﻧﺰﻟﺖ ﻓﻲ ﺁﺧﺮ
ﺍﻟﺼﺎﺝ ﻋﻤﻠﺖ ﺻﻮﺕ )ﺗﺸﺸﺶ(
ﺍﻟﺮﺑﺎﻃﺎﺑﻲ ﻗﺎﻝ ﻟﻴﻪ ﺍﻛﻴﺪ ﺩﻱ ﻗﻨﺎﺓ
ﺍﻟﺠﺰﻳﺮﺓ ﺯﻭﻟﻨﺎ ﻃﻮﺍﻟﻲ ﻃﻔﻰ
ﺍﻟﺼﺎﺝ ﻭﻣﺸﻰ ﺑﻴﺘﻬﻢ.
------------------------------------------------------
--------------
ﺭﺑﺎﻃﺎﺑﻴﺔ ﺑﺘﺒﻴﻊ ﺯﻻﺑﻴﺔ ﻭﻃﻌﻤﻴﺔ
ﻟﻠﺮﻛﺎﺏ ﻓﻲ ﻣﺤﻄﺔ ﺍﺑﻮﺣﻤﺪ
ﺑﻌﺪﻳﻦ ﺍﻻﻳﺎﻡ ﺩﻳﻚ ﺷﻐﻠﻮ ﺍﻟﻘﻄﺮ
ﺍﻻﻛﺴﺒﺮﺱ ﻭﻛﺎﻥ ﻣﺎ ﺑﻴﻘﻴﻒ ﻓﻲ
ﺍﻱ ﻣﺤﻄﺔ ﺍﻟﻤﻬﻢ ﺍﻟﻘﻄﺮ ﺟﺎ
ﻣﺎﺷﻲ ﻓﻴﻬﺎ ﻓﻮﻭﻭﻭﻭ ﻭﻣﺎﺑﺎﻋﺖ
ﺍﻱ ﺣﺎﺟﺔ ﻭﻗﺎﻣﺖ ﺭﺟﻌﺖ ﺍﻟﺒﻴﺖ
ﻗﺎﻡ ﺭﺍﺟﻠﻬﺎ ﻗﺎﻝ ﻟﻴﻬﺎ ﺍﻧﺸﺎﺀ ﺍﻟﻠﻪ
ﺑﻌﺘﻲ ﻛﻮﻳﺲ ﺍﻟﻠﻴﻠﺔ؟؟
ﻗﺎﻟﺖ ﻟﻴﻬﻮ- ﺍﺑﻴﻊ ﻛﻴﻒ ﻭﺍﻟﻘﻄﺮ ﺟﺎ
ﻣﺎﺷﻲ ﻓﻴﻨﻲ ﺯﻱ ﺗﺮﺟﻤﺔ ﺍﻟﻔﻠﻢ
ﺍﻻﺟﻨﺒﻲ
------------------------------------------------------
--------------
ﺍﻟﺮﺑﺎﻃﺎﺑﻲ ﻋﻤﻞ ﻟﻴﻪ ﻣﺤﻞ ﻓﻮﻝ
ﻓﻲ ﺍﻟﺒﻠﺪ ﻭﻣﺸﻰ ﻣﻌﺎﻩ ﻛﻮﻳﺲ
ﻗﺎﻡ ﻭﺳﻊ ﺍﻟﻤﺤﻞ ﻭﻋﻤﻞ ﻗﺪﺭﺓ
ﺛﺎﻧﻴﺔ ﻭﺯﺍﺩ ﻋﺪﺩ ﺍﻟﻜﺮﺍﺳﻲ ﻭﺑﻌﺪ
ﻓﺘﺮﺓ ﺟﺎﺏ ﻟﻴﻪ ﺳﺖ ﺷﺎﻱ ﻓﻲ
ﺍﻟﻤﺤﻞ ﺟﺎﻩ ﺻﺎﺣﺒﻪ ﺍﻟﺮﺑﺎﻃﺎﺑﻲ
ﻗﺎﻝ ﻟﻴﻪ ﻳﺎ ﺩﻛﺘﻮﺭ ﻋﻴﻨﺖ ﻟﻴﻚ
)ﻓﺤﻴﺺ( ﻣﻌﺎﻙ ﻭﻻ ﺷﻨﻮ!!
------------------------------------------------------
---------------
ﺷﺎﻳﻘﻴﺔ ﻭﺭﺑﺎﻃﺎﺑﻴﺔ ﺭﺍﻛﺒﺎﺕ
ﺍﻟﺤﺎﻓﻠﺔ ﻣﺎﺷﺎﺕ ﺑﻜﺎ .. ﺍﻟﺸﺎﻳﻘﻴﺔ
ﻃﻘﻄﻘﺖ ﻟﻠﻜﻤﺴﺎﺭﻱ ﻭﻧﺰﻟﺖ،
ﺍﻟﺮﺑﺎﻃﺎﺑﻴﺔ ﺍﺗﺄﺧﺮﺕ.. ﺍﻟﻜﻤﺴﺎﺭﻱ
ﻗﺎﻝ ﻟﻴﻬﺎ: ﻧﺎﺯﻟﺔ؟ ﻗﺎﻟﺖ ﻟﻴﻪ : ﻻ..
ﻻ.. ﺑﺪﻭﺭ ﺍﻗﺪﻣﻬﺎ ﻟﻠﺒﺎﺏ!!
------------------------------------------------------
--------------
ﻭﺍﺣﺪ ﺭﺑﺎﻃﺎﺑﻲ ﺭﺍﻛﺐ ﺍﻟﻘﻄﺮ
ﻗﺎﻋﺪ ﺟﻨﺐ ﺍﻟﺸﺒﺎﻙ ... ﻓﻄﻠﺐ ﻣﻨﻮ
ﺍﻟﺰﻭﻝ ﺍﻟﻘﺎﻋﺪ ﺟﻨﺒﻮ : ﻣﻤﻜﻦ
ﺍﻗﻌﺪ ﺟﻨﺐ ﺍﻟﺸﺒﺎﻙ ﻋﺸﺎﻥ ﺍﻧﺎ
ﺑﺴﻒ ﺍﻟﺴـﻌﻮﻁ
ﻭﺑﺘﻒ ...ﺍﻟﺮﺑﻄﺎﺑﻲ ﺭﺩ ﻋﻠﻴﻮ : ﻧﺎﻥ
ﻭﺍﻧﺎ ﺑﺴﻒ ﻭﺑﺒﻠﻌﻮ ..
ﺭﺑﺎﻃﺎﺑﻰ ﻧﺰﻝ ﺿﻴﻒ ﻋﻨﺪ ﺟﻤﺎﻋﺔ
ﻭﻛﺎﻥ ﻋﻨﺪﻫﻢ ﺗﻴﺲ ﻓﻰ ﺍﻟﺰﺭﻳﺒﺔ
ﺟﻨﺐ ﺍﻟﺼﺎﻟﻮﻥ ﻋﻨﺪﻩ ﻧﺰﻟﺔ ﺍﻟﻠﻴﻞ
ﻛﻠﻪ ﻳﻌﻄﺲ...ﺍﻟﺼﺒﺎﺡ ﺑﺪﺭﻯ ﺳﻴﺪ
ﺍﻟﺒﻴﺖ ﺟﺎ ﻭﺳﺎﻝ ﺍﻟﺮﺑﺎﻃﺎﺑﻰ" ﺍﻥ
ﺷﺎﺀ ﺍﻟﻠﻪ ﻧﻤﺖ ﻛﻮﻳﺲ؟؟
ﺍﻟﺮﺑﺎﻃﺎﺑﻰ ﻗﺎﻝ ﻟﻴﻪ
ﺍﻧﻮﻡ ﺑﻰ ﻭﻳﻦ ﻟﻰ ﺗﻴﺴﻚ ﺩﻩ
ﺍﻟﺘﻘﻮﻝ ﻣﻜﻮﺟﻰ ﻣﻘﺎﺑﻞ ﺍﻟﻌﻴﺪ
------------------------------------------------------
--------------
ﻭﺍﺣﺪﺓ ﺣﻨﻜﻮﺷﺔ ﺩﺧﻠﺖ ﻣﻄﻌﻢ
ﻗﺮﺍﺻﺔ ﺻﺎﺣﺒﻮ ﺭﺑﺎﻃﺎﺑﻰ .. ﻗﺎﻟﺖ
ﻟﻴﻪ ﻳﺎﻋﻤﻮ ﻋﻠﻴﻚ ﺍﻟﻠﻪ ﺍﺩﻳﻨﻰ
ﺳﻨﺪﻭﺗﺶ
ﻗﺎﻟﻴﻬﺎ ﻳﺎﺑﺘﻰ ﻋﻨﺪﻧﺎ ﻗﺮﺍﺻﺔ ﻛﺎﻥ
ﺩﺍﻳﺮﺓ ﺳﻨﺪﻭﺗﺶ ﺟﻴﺒﻰ ﺍﺑﺮﺓ
ﻭﺧﻴﻂ
------------------------------------------------------
--------------
ﺭﺑﺎﻃﺎﺑﻲ ﺷﺎﻑ ﻋﺘﻮﺩ ﺍﺳﻮﺩ
ﻭﺍﺿﻨﻴﻨﻮ ﺑﻴﺾ ﻗﺎﻝ ﻣﺎﻟﻮ ﺩﺍ ﻋﺎﻣﻞ
ﺯﻱ ﺍﻟﺒﻨﻄﻠﻮﻥ ﺍﻟﻘﺎﻟﺒﻴﻦ ﺟﻴﻮﺑﻮ
------------------------------------------------------
--------------
ﺍﻟﺤﺎﺟﺔ ﺟﺎﺕ ﻟﻠﺪﻛﺘﻮﺭ ﺍﻟﺮﺑﺎﻃﺎﺑﻲ
ﻓﻲ ﺍﻟﻤﺮﻛﺰ ﺍﻟﺼﺤﻲ ﻭﻗﺎﻟﺖ ﻟﻴﻬﻮ
ﺩﺍﻳﺮﺍﻙ ﺗﺤﻮﻟﻨﻲ ﺍﻟﻤﺴﺘﺸﻔﻰ
ﻋﺸﺎﻥ ﻫﻨﺎﻙ ﺑﻜﺸﻔﻮ ﻋﻠﻲ
ﺑﺎﻟﺴﻤﺎﻋﺔ .
ﻗﺎﻝ ﻟﻴﻬﺎ ﻧﺎﻥ ﺍﻟﺸﺎﻳﻔﺎﻫﺎ ﻣﺪﺭﻭﻋﺔ
ﻓﻲ ﺭﻗﺒﺘﻲ ﺩﻱ ﻗﺎﻳﻼﻫﺎ ﻧﺒﻠﺔ؟؟
------------------------------------------------------
--------------
ﺭﺑﺎﻃﺎﺑﻲ ﺟﺎﺭﻭ ﻋﻨﺪﻭ ﻏﻨﻤﺎﻳﺔ
ﻋﺎﻳﺰ ﻳﺒﻴﻌﺎ
ﺑﻌﺪﻳﻦ ﻓﻲ ﺍﻟﺴﻮﻕ ﺍﻟﻐﻨﻤﺎﻳﺔ
ﻗﺮﺑﺖ ﺗﺰﻭﻭﻭﻍ ﻗﺎﻡ ﺭﻓﻊ ﻟﻴﻬﺎ ﻭﻟﺪﺍ
ﻋﺸﺎﻥ ﺗﺸﻮﻓﻮ ﺟﺎﺕ ﺭﺍﺟﻌﻪ
ﻭﺍﻟﺮﺑﺎﻃﺎﺑﻲ ﻣﺼﻮﺭ ﺍﻟﻤﻮﻗﻒ ﻛﻠﺔ
ﻗﺎﻡ ﻗﺎﻝ ﻟﻴﻪ
ﺍﺳﻤﻊ ﻳﺎﺻﺤﺒﻲ ﺟﺒﺘﻬﺎ
ﺑﺎﻟﺮﻳﻤﻮﻭﻭﻭﻭﻭﺕ
------------------------------------------------------
--------------
ﺷﺎﻳﻘﻲ ﺟﺎﺀ ﻟﺮﺑﺎﻃﺎﺑﻲ ﻗﺎﻝ ﻟﻴﻪ
ﺍﻧﺎ ﺑﻘﻴﺖ ﺷﺎﻋﺮ ﻭﻗﺎﻡ ﻗﺮﺃ ﻟﻴﻪ
ﻣﺎ ﺑﻴﻦ ﺍﻟﺸﺘﺎﺀ ﻭﺍﻟﻔﻮﺍﺻﻞ ﺣﺒﻚ
ﺳﻜﻦ ﺍﻟﻤﻔﺎﺻﻞ ﺍﻟﺮﺑﺎﻃﺎﺑﻲ ﻗﺎﻝ
ﻟﻴﻪ
ﺍﻧﺖ ﻣﺎ ﺷﺎﻋﺮ ﺍﻧﺖ ﻋﻨﺪﻙ ﺭﻃﻮﺑﺔ
ﺍﻣﺸﻰ ﺍﻛﺸﻒ
------------------------------------------------------
--------------
ﺭﺑﺎﻃﺎﺑﻲ ﻣﺮﻩ ﺑﻲ ﺟﻤﺎﻋﻪ ﻣﻦ
ﺍﻫﻠﻨﺎ ﺍﻟﻬﺪﻧﺪﻭﺓ ﺑﺸﺮﺑﻮ ﻓﻲ ﻗﻬﻮﺓ
ﻭﻛﺎﻧﻮﺍ ﻻﺑﺴﻴﻦ ﻟﺒﺴﺘﻢ ﺍﻟﻤﻌﺮﻭﻓﺔ
ﺍﻟﻮﺍﺣﺪ ﻳﻜﻮﻥ ﻻﺑﺲ ﺳﺮﻭﺍﻝ
ﻃﻮﻳﻞ
ﻭﺑﺎﻗﻲ ﺟﺴﻤﻮ ﻋﺮﻳﺎﻥ ﻭﺭﺍﺑﻂ
ﺍﻟﻌﻤﻪ ﺧﻠﻒ ﺧﻼﻑ
ﺍﻟﺮﺑﺎﻃﺎﺑﻲ ﻗﺎﻟﻴﻬﻢ ﻳﺎ ﺍﺧﻮﺍﻧﺎ ﺩﺍﻳﺮ
ﻟﻲ ﻓﻨﺠﺎﻥ ﺟﺒﻨﺔ
ﻧﻂ ﻭﺍﺣﺪ ﻣﻦ ﺍﻟﻬﺪﻧﺪﻭﺓ ﻗﺎﻟﻴﻬﻮ
ﻳﺎﺧﻲ ﺍﻧﺘﻮ ﺳﺤﺎﺭﻳﻦ ﻣﺎ ﺑﻨﺪﻳﻚ
ﺍﻟﺮﺑﺎﻃﺎﺑﻲ ﻗﺎﻟﻴﻬﻮ ﻋﻠﻴﻚ ﺍﻟﻠﻪ ﺍﻧﺖ
ﻫﺴﻲ ﻳﺴﺤﺮﻭ ﻟﻴﻚ ﺷﻨﻮ ﺯﻱ
ﺍﻟﻔﺎﻧﻮﺱ ﺍﻟﻘﺰﺍﺯﺗﻮ ﻣﻜﺴﺮﺓ
------------------------------------------------------
--------------
ﻓﻲ ﻭﺍﺣﺪ ﺭﺑﺎﻃﺎﺑﻲ ﺟﻨﻨﻮ
ﺷﺮﺍﺏ ..ﻭﺟﺎﺭﻭ ﺃﻧﺼﺎﺭ ﺳﻨﺔ ...
ﻣﺸﻰ ﻟﻴﻬﻮ ﻳﻨﺼﺤﻮﺍ ﻭﺷﺒﻜﻮ ﻟﻴﻚ:
ﺍﻟﺨﻤﺮﺓ ﺩﻱ ﺑﺘﻮﺩﺭ ﺍﻟﻌﻘﻞ ..
ﺍﻟﺨﻤﺮﺓ ﺩﻱ ﺑﺘﻌﻤﻞ ﻟﻴﻚ ﺗﻠﻴﻒ
ﻓﻲ ﺍﻟﻜﺒﺪ ﻳﻌﻨﻲ ﺑﺎﻟﻌﺮﺑﻲ ﻛﺪﺍ
ﺍﻟﺨﻤﺮ ﺩﻱ ﻳﻌﻨﻲ ) ﻣﻮﺕ
ﺑﻄﻴﻴﻴﻴﻲﺀ .. (
ﺍﻟﺮﺑﺎﻃﺎﺑﻲ ﺍﺗﻠﻔﺖ ﻭﻗﺎﻝ ﻟﻴﻬﻮ:
) ﺃﻧﺎ ﺯﺍﺗﻲ ﻣﺎ ﻣﺴﺘﻌﺠﻞ !!!!! (
------------------------------------------------------
--------------
ﻗﺎﻟﻮﺍ ﺭﺑﺎﻃﺎﺑﻲ ﻗﺎﻋﺪ ﻓﻲ ﻣﻄﻌﻢ
ﻭﺟﻨﺒﻮ ﺯﻭﻝ ﺍﺣﻮﺹ, ﺍﻟﺮﺑﺎﻃﺎﺑﻲ
ﻃﺎﻟﺐ ﻛﺒﺎﺏ ﻭﺍﻟﺠﻨﺒﻮ ﻃﺎﻟﺐ ﻓﻮﻝ,
ﺍﻫﺎ ﻗﺎﻡ ﺍﻟﺠﻨﺒﻮ ﻛﻞ ﺷﻮﻳﺔ ﻳﺎﻛﻞ
ﻣﻦ ﺍﻟﻜﺒﺎﺏ ﺑﺘﺎﻋﻮ "ﻧﻈﺎﻡ ﺍﺣﻮﺹ
ﻭﻛﺪﺓ." ﺍﻟﺮﺑﺎﻃﺎﺑﻲ ﺍﺗﻐﺎﻅ ﺷﺪﻳﺪ
ﻗﺎﻡ ﻗﺎﻝ ﻟﻴﻬﻮ : ﻋﺮﻓﻨﺎﻙ ﻣﺎ
ﺑﺘﺸﻮﻑ, ﻣﺎ ﺑﺘﻀﻮﻕ؟؟؟؟
------------------------------------------------------
--------------
ﻭﺍﺣﺪ ﻗﺎﻝ ﻟﺮﺑﺎﻃﺎﺑﻰ ﺍﻧﺘﻮﺍ ﻋﻠﻴﻜﻢ
ﺍﻟﻠﻪ ﻋﻨﺪﻛﻢ ﻣﻮﻳﺔ ...
ﺍﻟﺮﺑﺎﻃﺎﺑﻰ ﻗﺎﻝ ﻟﻴﻬﻮ ﻃﻴﺐ
ﺍﻟﺸﺠﺮ ﺍﻟﻌﻨﺪﻧﺎ ﺩﺍﺍﺍﻙ ﻗﺎﻡ
ﺑﺎﻟﺘﻴﻤﻢ
جميع الحقوق محفوظة لصاحب الموقع عادل ودكتير العوامرة
